XX. mendeko Euskararen Corpus estatistikoa

Testuingurua

Zirkulu batetik bestera igaro ziren, eta ikerketan baliagarri izan zitezkeen arrastoak ez desagertzeko, haiek ez zapaltzeko, kontuz-kontuz ibili ziren.

Kazetariak makurtu eta zirkulu haietako bat ukitu zuen.

Bere hatzari begiratu zion.

- Ez dago zikinkeriaren arrastorik ere.

Oso indartsua den zerbaitek...

- Zerbaitek zer?

- Ez dakit.

Ondorengo isiltasun beldurgarri hartan, gizonetako bat honela mintzatu zen:

- Aizue, ordubete barru boys-scouten batzarrera joan beharra daukat.

Zergatik ez gara banatzen?

Horrela toki gehiago aztertuko genuke.

Ordu erdi barru hemen bildu gaitezke.

Warreni gustatu egiten zitzaion jendea horrela banatzea.

Zu hortik eta ni hemendik hori gauzak gori-gori jartzen zirenean gertatzen zen, zuzendariak zertan ari zen jakinez gero.

Eta Warrenek oraingo honetan bazekien.

Joaten aurrenekoa batzordeko gizon lodia izango zela erabaki zuen, boy-scouten jantzia zeramana.

Gizona Burbuila zain zegoen tunelerantz abiatu zen.